२६ असार, उदयपुर । फ्रुटी खाँदा बुधबार साँझ उदयपुरको दुर्गम पहाडी लेखगांउ गाबिस -८ मा एकै परिवारका दुईको मृत्यु भएको छ ।

मृत्यु हुनेमा जिल्ला स्वास्थ्य कार्यलयकी महिला स्वयम् सेविका (४५) जानुका राई र उनकै छोरी १६ वर्षिया कमला राई रहेको मृतककी आफन्त शान्ता राईले वताइन ।

फ्रुटी खानासाथ झाडा पखाला गर्ने र बान्ता गर्न थालेको केही समयमै आमाको मृत्यु भएको र छोरीलाई उपचारकालागि प्राथमिक स्वास्थ्य कार्यालय कटारी ल्याउने क्रममा मृत्यु भएको शान्तले वताइन् ।

स्वास्थ्य स्वयम् सेविका र उनको छोरीको मृत्यु भएको जिल्ला स्वास्थ्य कार्यलय उदयपुरका प्रमुख डाक्टर ब्रज किशोर ठाकुरले पुष्टि गरेका छन । तर घटनाको बिस्तृत जानकारी आउन बाँकी रहेको ठाकुरले वताए ।

उत्तर पश्चिममा पर्ने घटनास्थल सदरमुकाम गाईघाटबाट करिब चार दिनको पैदल दुरीमा पर्दछ । गाँउमा अन्य सर्वसाधरण समेत झाडा पखालाबाट बिरामी परेको स्थानीयबासिन्दाले वताए । तर अहिलेसम्म जानकारी आइनपुगेको डाक्टर ठाकुरले बताए ।

---

Post a Comment