मेरी दिदी छुच्ची

सिस्नुपानी नेपाल र काठमाण्डौ प्याब्सनले संयुक्त रूपमा गरेको उत्यकाव्यापी बिद्यालयस्तरीय हाँस्यव्यङ्ग्य कविता प्रतियोगितामा सहभागी हुन कक्षा ५ मा पढ्दा मैले लेखेको कविता :

मेरी दिदी छुच्ची

मिनिस्कर्ट लाउँछिन् दिदी बोर्डिङ् जाने बेला
कुर्ता सुरूवाल लगाउ भन्दा देखाउँछिन् खेला
आँखाभरि आइब्रो र लिपिस्टिकको मुख
भविष्यमा पाउँछिन् होला नराम्ररी दु:ख

घरमा खाना खान्न भन्छिन् होटलतिर पस्छिन्
झ्याप्ले कपाले हुने देखे त्यसैसँग बस्छिन्
सुड्डो भन्छिन् बुवालाई पाकेटमनि माग्छिन्
नयाँ फिल्म चल्यो भने स्कुलबाटै भाग्छिन्

होमवर्क गर्ने बेलाभरि लेटर लेख्‍नुपर्छ
जाँच आउँदा चिट् बोकेको सधैँ देख्‍नुपर्छ
बोल्यो भने कम्फू दिन्छु भन्दै आँखा तर्छिन्
जता देख्छिन् झिल्केमिल्के त्यतैपट्टि सर्छिन्

कहिले पुग्छिन् गोदावरि कहिले दक्षिणकाली
म्याक्सी फालि ट्याक्सी चढ्छिन् सधैँ हत्ते हालि
औँठी, सिक्री बेचि खाइन् घरमा पर्छ घुच्ची
बोलौँ बोली साध्य छैन मेरी दिदी छुच्ची