'छन्दको सुगन्ध'बाट सुनौँ छन्द कविता"भोका र नाङ्गा उठ"

साहित्यको क्षेत्रमा सबैभन्दा कठिन मानिएको बिधा छन्द हो । लेख्‍न पनि कठिन अनि वाचन गर्न पनि । इकार, ऊकारलगायत साना साना कुरालाई पनि निकै नै ध्यान दिएर अनि नियममा बाँधिएर लेख्‍नुपर्ने भएकाले आज छन्दलेखनमा सानो जमात मात्र क्रियाशील छ । कतिले झन्झट मानेर शुरूवातै गर्नुभएको छैन भने कतिले चाहेर पनि छन्दमा उपस्थिति जनाउन सक्नुभएको छैन । एकअर्थमा भन्दा छन्द लोप हुने अवस्थमा आइसकेको छ । यसै क्रममा साहित्यकार अनिल पौडेलले छन्दको संरक्षण साथै विकास गर्नका लागि 'छन्दको सुगन्ध' नामक अडियो एल्बम केहि समय अगाडि बजारमा ल्याउनुभएको छ । केहि समय पहिला भन्दा पनि ३-४ वर्षै पो भइसक्यो । यस अडियोमा १९ कविका १५ छन्दका कविता रहेका छन् । कति कविले आफ्ना कविता स्वयम् वाचन गर्नुभएको छ भने केहि कविले अन्य कविका कविता वाचन गर्नुभएको छ । तपाईँहरूलाई अब म यहि 'छन्दको सुगन्ध'बाट क्रमश कविताहरू राख्दै जानेछु । आशा छ तपाईँहरूले पक्कै पनि मनपराउनुहुन्छ होला ।

शुरूवातको क्रममा कवि अनिल पौडेलको 'छन्दको सुगन्ध'को उदघोषणका साथै कवि युद्धप्रसाद मिश्रको कविता शार्दूलबिक्रिडित छन्दमा कवि प्रतिभा शर्माको आवाजमा पस्केको छु ।