छाड्न सक्दिनँ म

हिमालमा देशको झण्डा गाड्न सक्दिनँ म

माया लाग्छ देशको साह्रै, छाड्न सक्दिनँ म

मुलबाट बग्ने पानि बोत्तलमा कहाँ पाइएला

कठ्याङ्ग्रिँदा गुन्द्रुकको झोल बाहिर कहाँ खाइएला

हाँसीखुसी बाँचेकै छौँ मर्नै पर्ने भा’को छैन

देश खत्तम भयो भनी सोच्ने बेला आ’को छैन

घरघरमा रोजगारी गाउँगाउँमा सहकारी

काम गर्न नलजाउँदा हुन्न कतै बेरोजगारी

समाचारमा नेता पढि देश कस्तो भन्नु हुन्न

जागरूक हौँ, गर्न खोजौँ राजनीतिले कतै छुन्न

जवानीमा पखेँटा छन् उडुँ उडुँ लाग्छ कति

थाकेपछि झर्ने यहिँ हो गफ दिएपनि जति

विकासका काम ल्याउँदा सिङ्गो देशले हात हाल्छ

सबै मिलि गर्नसके देशले अघि पाइला चाल्छ

हिमालमा देशको झण्डा गाड्न सक्दिनँ म

माया लाग्छ देशको साह्रै, छाड्न सक्दिनँ म

तस्वीर स्रोत : http://advocacynet.org/blogs/media/users/nicole/pic1.jpg