रङ

धमिलो रङले पोतेर
तिम्रो आकृति 
पहिलो पटक उतार्दैछु मनको क्यानभासमा
फिक्का मात्र यसकारण,
तिमी खुल्न चाहन्नौ संसारसित
केवल
तिम्रो ईच्छामा रङ पोख्दैछु म
उही चमक नभएको
गाडा नवस्ने रङ....

रङसँगको मेरो सामिप्यता
सायद,
हाम्रो संवन्ध जत्तिकै गहिरो हो
अथवा तिम्रो आँखाको भाव जत्तिकै गहिरो....
म चालै पाउँदिन
चित्रकारिता मेरो धर्म होईन,
तर 
यहि नित्य उठवासले 
तिम्रो आकृति माथि
पेण्टब्रस चलाउन जान्ने भएको छु म
भन,
कुन रङले सिंगारौ तिमीलाई आज ?
स्नेहको गुलावी रङले
कि सम्झनाको निलो रङले?

picture source: click on it.