Comments on ☺गफगाफ: KFC संस्कृति र हाम्रो अर्थतन्त्र!!

उपभोग संस्क्रिती र खिइँदो अर्थतन्त्रबारे सटीक चित...

2009-12-24T10:58:19.485+05:30

उपभोग संस्क्रिती र खिइँदो अर्थतन्त्रबारे सटीक चित्रणले धेरै कुराको उठान गरेको छ । खासमा त खानपान र आहारविहार प्रचलनमा हाम्रो बदलिँदो रुचि र पश्चीमा मुलुकप्रतिको झुकाव नजिकको तीर्थ हेला र पराइ पूजा शरणमको मानसिकताले धेरै काम गरेको होला जस्तो लाग्छ ।
रेमिट्यान्सले राष्ट्रिय अर्थतन्त्र धानेको एकोहोरो चर्चा अर्थजगत् र सर्वसाधारणको चिया-गफमा धेरै सुनिने गरिन्छ । तर के भनिन्छ भने रेमिट्यान्सले देशको अर्थतन्त्रमा खासै योगदान गर्दैन । विदेशबाट आएको पैसा उत्पादक र उद्यमशील कुरामा खर्च भए पो केही उपलब्धी हुनु, केवल विलासिताका सामान र घरजग्गामा ती पैसाको खोलो बग्दा रेमिट्यान्स रकम फ्रिज भए बराबर हुन्छ ।
बहुराष्ट्रिय कम्पनीको प्रवेशसँगै देशमा रोजगारीको अवसर सिर्जना भए पनि उपभोक्ताको तहबाट असीमित रूपमा पूँजी विदेशिने पाटो पनि भुल्न मिल्दैन । फेसनेवल संस्कृतिको प्रभावमा ब्राजिलको कुखुराको सपेटा चाख्न लाइन लाग्ने नेपाली उपभोक्ता स्वदेशी उत्पादनमा गुणस्तरीयता बिकास का लागि दबाबकारी सबित हुन सक्लान्, तर राष्ट्रिय अर्थतन्त्रको भ्वाङ टाल्नमा भने झनै निष्प्रभावी हुँदै जानेछन् ।

यस्ता बहु-देशीय मान्यता राखी खोलिएका व्यवसायहरु दे...

2009-12-20T14:02:40.611+05:30

यस्ता बहु-देशीय मान्यता राखी खोलिएका व्यवसायहरु देश भित्र भित्रिनु त अवस्य पनि राम्रै कुरा हो। तर साथीहरुले भने झैँ यस्ता मान्यताप्राप्त व्यवसायबाट सरकारले पनि कैयौ फाइदा पनि लिन सक्दछ सही र साँचो अर्थनीतिमा चल्ने हो भने । तर आफ्नै देशका उत्पादन र ग्रामिण क्षेत्रमा जबसम्म बित्तय संस्था र बैंकहरुको राम्रो लगानी प्रवाह हुन सक्दैन तबसम्म देश माथि उठ्न गाह्रो हुन्छ मलाई पनि तेस्तै लाग्छ। हामी बिदेशी भन्दा आफ्नै उत्पादन र लगानीमा रमाउन सक्नु पर्छ मुख्य कुरो। प्रबेश जी को चिन्तन मनन तारिफयोग्य छ। म पनि धेरै पटक KFC छिरेकोछु तर यहाका KFC मा weekend बाहेक अरु दिन खासै भिडभाड हुदैन है।

मैले पनि - दरबारमार्ग मा रहेको यो पिजा हट को लामो ...

2009-12-20T03:03:44.618+05:30

मैले पनि - दरबारमार्ग मा रहेको यो पिजा हट को लामो लाइन गएको २८ नोभेम्बरको (शनिवारको) दिन देखे पछी छक्कै परेको थिए - पहिला त मैले अरुनै केहि होला भन्ठानेको त पिजा को लागि पो लाइन रोड सम्म पुगेको रहेछ !
जब सम्म KFC संस्कृति रहिरहन्छ हाम्रो अर्थतन्त्र सधै डामाडोल रहन्छ किन कि नेपालीहरुमा एउटा अर्को ठुलो रोग छ - बिदेशी बस्तु प्रयोग नगरी आइडिएल (अरुको नजर मा ठुलो ) मान्छे बन्नै सकिदैन !

राम्रो बिषय बस्तु को प्रस्तुति राख्नु भएको छ - Ashesh जी तपाइले ! सबैले यसमा एक पटक सोच्नै पर्दछ !

पोस्ट सान्दर्भिक लाग्यो, सकारात्मक र नकारात्मक दुव...

2009-12-19T15:03:25.840+05:30

पोस्ट सान्दर्भिक लाग्यो, सकारात्मक र नकारात्मक दुवै पक्ष हुनसक्छन वैदेशिक लगानीका, तर कुन ठाउमा र कुन क्षेत्रमा प्रयोग गरिने हो, सो बिषयमा हामी सचेत हुनु पर्छ । के एफ सी को अगाडी नेपालीको यो लर्को चाहि अति नै भयो, विस्तारै सामान्य हुदै जाला....।

You are correct in a way...however...naya naulo sa...

2009-12-19T13:14:58.247+05:30

You are correct in a way...however...naya naulo sanskriti bhitrinu teti saro naramro pani hoina hai :)

विश्व ब्यापारिकरणको स्थितीलाई मध्यनजर गर्ने हो भने...

2009-12-18T23:11:41.578+05:30

विश्व ब्यापारिकरणको स्थितीलाई मध्यनजर गर्ने हो भने यसलाई सकारात्मक रुपमा नै लिनुपर्छ । अनि जहाँसम्म गाँउ गाँउमा पुग्ने कुरा छ त्यो सरकारको नितीमा भर पर्छ । KFC का लगानीकर्ता त व्यापारी हुन् र व्यापारको सिद्दान्त अनुसार उनिहरुले पैसालाई नै हेरेका छन् जुन जायज छ । सरकारको विफल निती व्यापारीहरु माथि थोपर्नु ठिक हुन्न ।

By the way ....Ashesh र Prabesh दाजुभाइ हो ???? sound intresting छ ।

धेरै सान्दर्भिक अशेष --यस्तै चल्दै रहून तिम्रा ...

2009-12-18T11:25:23.668+05:30

धेरै सान्दर्भिक अशेष --यस्तै चल्दै रहून तिम्रा सचेत कलमहरु अनि यथार्थ चित्रणमा --! :)

भाइको चिन्तन प्रशंशायोग्य छ। यस्ता बहुदेशीयहरुलाई ...

2009-12-18T06:46:33.710+05:30

भाइको चिन्तन प्रशंशायोग्य छ। यस्ता बहुदेशीयहरुलाई रोक्न सकिँदैन, रोकेर केहि फाईदा पनि हुँदैन। बरु यिनले अपनाउने बजार प्रबर्धनका तरिका, ब्यवश्थापन शैली आदि थोर बहुत सिकेर आफ्ना उत्पादनलाई लोकप्रिय र ब्यापक बनाउनतिर लाग्नुपर्छ। निश्चयनै देशमा राजनीतिक स्थायित्व र सत्तामा देशका लागि चिन्ता बोक्नेहरु हुनुपर्छ यस्ता प्रयासले सार्थकता पाउन।
अहिले देखिएको लर्को नयाँ हुँदाको लर्को हो। बिस्तारै घट्नेछ त्यो।

नम्रताजीले राख्नुभएका कुराहरु पनि मन परे। लगानी, राष्ट्रिय पूँजी आदिका बारेमा पहिलेभन्दा फराकिलो धारणा राख्नु जरुरी छ तर केन्द्रविन्दूमा भने आफ्नो समाज र देशलाई सकेसम्म बढी फाईदालाई राख्नुपर्छ।

i will agree with Namrata jee,

2009-12-18T06:27:01.176+05:30

i will agree with Namrata jee,

दशैमा च्यूरा तिहारमा सयपत्रि र मखमली फुल इण्डिया ब...

2009-12-17T21:41:39.804+05:30

दशैमा च्यूरा तिहारमा सयपत्रि र मखमली फुल इण्डिया बाट आउनु
भनेको हाम्रो कृषि प्रधान देशमाथि धावा बोल्नु होइन? हामी फूल पनि फुलाउन नसक्ने भयौ त ? खोइ नया प्रविधि? साच्चै राम्ररी विचार गर्ने हो भने हाम्रो सबै आम्दानी विदेश गएको छ । अहिले मोबायल सर्व सुलभ भएको छ । मान्छेले धानका भारीमा गीत सुन्दै साथीसंग कुरा गर्दै हिडछन त्यो हुनु पर्छ तर विचरा तिनीहरुको बनी गरेको पैसा नेपालमा बसेको छ त? खोइ हामीले प्रविधि सिकेको ? कमसेकम त्यो प्रविधि सिकेर सबैलाइ सुविधा दिएको भए त्यो पैसा
आफनै घरमा बस्ने थिएन? सरकार त लाटा गाडाहरुको तन्नेरी भए जस्तै हो अहिलेसम्म, त्यहा जाने मान्छेको मानसिकता भनेको अरुमाथि शासन गर्ने मात्र हो । अनि तल सरकार बाहिर बसेका तन्नेरीहरु माथि पुगेका ला कसरी छिर्के लगाउने त्यो मात्र सिक्छन । भत्काउने बिगाने टुक्रयाउने भन्दा के चाहि काम भएको छ त अहिलेसम्म ?
संसारको इतिहासमा हाम्रो देश अपवाद र विडम्बना मात्र हो । राजनिति गर्ने मान्छेले कहिले पिन
राम्रो काम सिकेनन र सिक्तैनन पनि । त्यही भएर जे नया आए पनि नेपालीहरुको पैसा पोको पारेर लैजाने मात्र हुन्छ किनकी दुख त आफुले गर्न पर्यो नी त्यो आफनो घरमा राख्न जसले मह काडछ त्यसले त हात चाटनै पर्यो नी । हामी भने उनिहरुले दिएको
के एफ सि को चिकेन पिजाको स्वादमा तल तल लडिरहेछौ । उनिहरुको उदेश्य पनि हामीलाइ भने अुनसारको खाना दिएर लडाउनु हो । तर आश त मार्नु भएन । तर जादुले केही हुदैन । धेरै पटक लडनु पर्छ उठनलाइ । तर उठन त खोज्नु पर्यो नी हामीले,
केही गर्ने सोचाइ राख्नु मात्रै पनि ठुलो कुरा भैसक्यो । राम्रो छ यो लेख । अरु पनि यस्तै लेख्दै गर है अशु

यस्ता बिश्व ब्यापी कम्पनि देशमा छिर्नुमा खोतल्दै ज...

2009-12-17T21:15:30.338+05:30

यस्ता बिश्व ब्यापी कम्पनि देशमा छिर्नुमा खोतल्दै जाँदा थुप्रै फाईदा पनि होलान थुप्रै बेफाईदा पनि होलान | तर बेफाइदा पनि छ भन्दैमा बिश्व संस्कृतिबाट टाढिनु पनि भएन | देशले राम्रो संग नियम कानुनले बाँधे व्यापार ब्यबसायबाट फाइदा लिन सक्छ नै |

सस्तो र मिठो लाग्ने हुनाले म नि बेला बेला के.एफ.सी. छिरी रहन्छु | यता तिर नि "सजग" हरुले त यसलाई जंक फुड नै भन्छन | तर पनि पिज्जा हट र के एफ सी मा मान्छेको ओहोर दोहोर सँधै नै भै राख्या हुन्छ | तर एकै दिनमा २००० मान्छे जान्छन भन्ने सुन्दा चाहिं नेपालमा अलिक अचाक्ली नै भै रहेजस्तो लाग्यो | त्यसमाथि मेनु नि छोइनसक्नु छ रे | यहाँ ५ डलरको हाराहारीमा पाईने स्यान्डबीच कम्बोलाई त्यता तिर ८०० नेपाली रुपैंया पर्छ भन्ने सुन्दै छु | तपाईं खाएर फर्के पछी नाम र दाम नि हेर्न पाउँ है प्रवेश जी !

अशेषजीको निष्कर्ष मननीय छ। अब खुला बजार अर्थतन्त्र...

2009-12-17T21:06:30.040+05:30

अशेषजीको निष्कर्ष मननीय छ। अब खुला बजार अर्थतन्त्र मान्दै WTO मै प्रवेश गर्ने भएपछि KFC र PIZZA HUT भित्रिएकोमा दु:खमनाउ गर्नुभन्दा हामीहरु आफ्नै थैली कस्नतिर लाग्नुपर्‍यो। त्यसका लागि घर-घडेरी, गरगहना आदिको सट्टा उत्पादनमूलक क्षेत्रमा लगानी हुने वातावरण बनिदिए मात्रै पनि धेरै हुन्थ्यो होला।

नेपाल जस्तो द्वैध अर्थतन्त्र भएको मुलुकमा यसलाई सा...

2009-12-17T19:26:17.616+05:30

नेपाल जस्तो द्वैध अर्थतन्त्र भएको मुलुकमा यसलाई सामान्य मान्नु पर्ने अवस्था भइसक्यो सबैतिर प्रत्यक्ष र अप्रत्यक्ष रुपमा । निश्चय पनि हाम्रो लगानी र पूँजी गाउँ केन्द्रित हुन सकेको छैन यसलाई पनि ‘ग्लोबललाइजेसन’ एक कारक मान्नुपर्छ । नयाँ सोचको कमी, दक्ष जनशक्तिको अभाव र कमजोर सरकारी नीतिका कारण हाम्रा उत्पादनहरु अझै पनि प्रभावकारी हुन सकेका छैनन् । फलस्वरुप हामीले अर्कोको मुख तोकेर बसिरहनु परेको छ ।

हामी सकारत्मक पनि हुन जान्नु पर्छ । गाउँ–गाउँमा अहिले आएर सहकारीहरु प्रशस्तै मात्रमा खुलिरहेका छ । गाउँगाउँमा पूजीको लगानी, परिचालन भै रहेको छ । परिवर्तन र विकास विस्तारै हुन्छ भनिन्छ, हेरौ के–के हुँदोरहेछ ।

Thanks for nice info. I found a totally free clas...

2009-12-17T17:21:56.020+05:30

Thanks for nice info.

I found a totally free classified, have a look.
http://bharatclick.com

कुरो अलि असजिलै छ । एकतर्फ देश डब्लुटिओको सदश्य रह...

2009-12-17T12:50:33.403+05:30

कुरो अलि असजिलै छ । एकतर्फ देश डब्लुटिओको सदश्य रहेको छ र खुला अर्थतन्त्रको कुरा गर्दा यस्ता कुरा आउनुलाई नकारात्मक नै भन्न मिल्दैन । तर अर्कोतर्फ पश्चिमाकै भाषा प्रयोग गर्दा'जन्क फुड' माथीको हाम्रो यो तिब्र आकर्षण भने अचम्मैको लाग्यो ।

माथी आकार जी र हावाब्रोको कुरा पनि सान्दर्भिक छन। खै त हामीले पनि आफ्नै ब्राण्ड खडा गर्न सकेको ? । न कृषकलाई सहयोग गर्न कुनै निकाय तयार छन, न त नक्कल गर्न वा सिधैं विदेशी बस्तु ल्यायर उपभोग गर्नमा हामी एक पटक मात्रै सोच्छौं ।

पहिला गज्जब रहेछ भनेर रासायनिक मलको भरमार प्रयोग गरेर माटै बिग्रेपछि होस आएजस्तै ढीला चाँडो यस्ता जंक फुडको ट्रेन्सबाट पनि हामी बिउँझिन्छौं जस्तो लाग्छ मलाई !

अशेष ब्रो, धनि र बिकसित देशकै मानिसहरुले यो के एफ ...

2009-12-17T11:30:03.986+05:30

अशेष ब्रो, धनि र बिकसित देशकै मानिसहरुले यो के एफ सी पिज्जा र कोका कोला जस्तो संस्कृति मा प्रश्न गरिरहेको बेला नेपाल मा कसको स्वार्थ हेरेर यस्तो संस्कृति अपनाइन्छ ? कसलाई फाइदा हुन्छ ?

चिकेन कै कुरा गर्नु हुन्छ भने खैरे हरु नेपाल मा लोकल कुखुरा को मासु खान पाइन्छ भन्दा दंग पर्छन.. नेपाल का हरियो परियो र जडिबुटी देखेर लोभ गर्छन.. हामि नेपाली जनता र नेपाल को सरकार भने खैरेहरुले पनि डम्प गर्न चाहेको सामान र संस्कृति भित्रौछौ...

के हामि फेसन को नाम मा झन् झन् पाखे भैराखेका छैनौ र ?

KFC र PIZZA HOT को नेपाल आगमनले पनि हाम्रो पुँजी प...

2009-12-17T10:20:12.696+05:30

KFC र PIZZA HOT को नेपाल आगमनले पनि हाम्रो पुँजी पलायनलाई नै धेरै टेवा पुग्ने देखिन्छ ।

म प्राय: माथि भनेकै कुरा सोच्छु । महिना दिन अघि जति म एक ह्‌याचरी फर्म को सफलता को कथा को रिपोर्टिङ गर्न गएको थिँए । त्यसबेला सम्म केएफसी चाँहि खुलिसकेको थिएन । कुखुरा पालन सम्बन्ध मा उनका विविध कुराहरु जान्ने मौका मिलेको थियो । अनि उनी भन्दै थिए, हामीहरु सँग सिमित लगानि, कृषि प्रधान देश भनेको भएपनि, सरकार तथा बैंकहरुले बरु गाडि किन्न कम ब्याज मा ऋण दिन्छन् तर कृषिकार्य को लागि दिँदैनन् । कृषिलाई त आफ्नो बाटो मा पार्दै पार्दैबनन् । उनले त्यति नै खेर ब्राजिल बाट कुखुरा आयात हुँदैछ भन्दा कता कता चसक्क बिझेको थियो ।

सायद सन्दर्भ मिलेको जस्तो लागेर मैले पनि लेखिहाले हैँ, यही कुखुरा कै बारेमा, अब ह्‌याचरी कै कथा चाँहि कुनै दिन ब्लगमा लेखौँला ।

जहाँसमम्म केएफसी जस्तो विश्वप्रसिद्ध ब्रान्ड भित्रिएको कुरा छ यसलाई सकरात्मक मान्नै पर्छ, तर केएफसी मा जाने लर्को देखेरै नेपाली को जिवन स्तर बढ्यो भन्न पनि सकिँदैन । अझ दु:ख गरेर कमाएको पैसो त बाहिर नै जाँदैछ । यो कस्तो बिडम्बना, हाम्रा दाजुभाइहरु खाडि मुलुक मा गएर रेमिटेन्स भित्र‌याउँछन् अनि हामी यहाँ भएका केही समृद्ध भनिनेहरु पैसा उडाउँछौ विदेशी मा नै ।

यहाँ घाटि हेरी हाड निल्नुपर्छ भन्ने कुरा सम्झिनु पर्ने हो सबैले, तर खै किन हो, विदेशी अनि महंगो भनेपछि हाम्रा आँखा त्यतै जाने । केएफसी को आफ्नो स्टान्डर्ड छ, अनि के नेपालीहरु त्यसको स्टान्डर्ड धान्ने हैसियत राख्छन् त ? यहि नै मननयोग्ग कुरा हो । हुन त त्यहाँ नेपालीहरु ले नै रोजगारि पनि पाइरहेकाछन् । तर बढ्दो महंगि सँगै बढेको बजार को बिच मा केएफसी ले पनि नेपाली कै ढाड सेक्नेछ ।

म पनि चकित भएको थिएँ नेपालमा के एफ सिको लोकप्रियता...

2009-12-17T06:47:04.196+05:30

म पनि चकित भएको थिएँ नेपालमा के एफ सिको लोकप्रियताको बारेमा पढेर । विश्व बजारमा लोकप्रिय हुँदै स्थान बनाईरहेका यस्ता कम्पनिहरुको आफ्नो देशमा आउनुलाई नकारात्मक नै हेर्न त मिल्दैन पक्कै । यसले हाम्रो उत्पादन खरीद नगरे पनि हामीलाई केहि रोजगार पक्कै नै दिएको होला र त्यो भन्दा ठुलो कुरा हाम्रा उत्पादनहरु के गरेमा यसैगरी लोकप्रिय बनाउन सकिनेरहेछ भन्ने ज्ञान (शीप) सिकाउँछ होला ।

जे होस् तपाईंको मनमा रहेको चाहना साकार हुन सकोस् ।

Well said

2009-12-16T23:29:14.047+05:30

Well said