gufgaf

तबला नै मेरो सुख र दुखको साथी— अच्युत राम भण्डारी

2019/03/23   gufgaf
   

गफगाफ  - नेपालका चर्चित तवला बादकहरु मध्यका एक हुन् अच्युत राम भण्डारी । वि.स २०१६ सालमा जन्मिएका भण्डारी ११ वर्षको उमेर बाट नै संगीतिक क्षेत्रमा प्रवेश गरेका थिए । उनले वि.स २०२७ सालमा सांस्कृतिक संस्थान, राष्ट्रिय नाँच घरद्धारा आयोजित बाल कलाकार तालिमबाट नै आफ्नो सांगीतिक यात्रा शुरु गरेका थिए । काठमाण्डौ महानगर पालिका स्थित गौरीघाटमा वसोवास गर्दै आएका भण्डारी विभिन्न पदक तथा  सम्मानबाट सम्मानित भएका छन् । 
उनले तवला सँग सम्वन्धित ११ वटा पाठ्यपुस्तक प्रकाशन गरेका छन् भने तवलाका विभिन्न कोर्ष समावेश गराएर  १९ वटा सिडी प्रकाशन गरेका छन् ।  यस्तै तबला गुरु, तबला गुरु जापानिज, हार्मोनियम वादन, मादल, सन्मार्ग दर्शन, इन्ट्रोडक्सन अफ म्युजिकल इन्स्टुमेन्ट, साम्भ शम्भु लगायतका ७ वटा कृतिहरु प्रकाशनको तयारीमा छन् । तबलाका विभिन्न कोर्ष सिकाउनकै लागि विश्वका विभिन्न देशहरुमा समेत पुगेका भण्डारी हाल पनि आर्थिक विपन्न छात्र, छात्राहरुलाई निशुल्क प्रध्यापन गराउदै आएका छन् । प्रस्तुत छ उनै तवला वादक भण्डारीसँग गरिएको कुराकानी ।


स्वागत छ तपाइलाई ?

  • धन्यवाद ।

पछिल्लो कसरी चलचिरहेको छ जिवन ?

  • म एउटा संगीत सादक हुँ । संगीतमा खेलेर नै अहिले सम्म जीवन चलाइरहेको छु । अझै भनांै संगीतमा नै रमाइरहेको छु ।

तवला बजाउन कहिले बाट शुरु गर्नुभयो ? 

  • म ९ वर्षको हँुदा नै मैले यसको सुरुवात गरेको हुँ । त्यो समय भजन कृतनमा बजाएको देख्दा मलाई पनि बजाउन मन लाग्यो, त्यस पछि चै सिक्न थालेको हुँ ।

शुरु गर्दा नै तवला बादक बन्छु भनेर सोच्नु भएको थियो ?

  • शुरु गर्दा त्यो सोच्न सक्ने भइसकेको थिइन । त्यो समयमा त रहरै रहरमा शुरु गरेको हु । तर घरमा पनि भजन कृतनको वातावरण भइरहन्थ्यो, त्यसले अझ प्रोफेसनल बन्न सहयोग गर्यो । म १५ वर्षको भएपछि चै यसै क्षेत्रमा मेरो जीवन छ भन्ने सोच पलाउन थाल्यो । नभन्दै म यसै क्षत्रमा अहिलेसम्म निरन्तर लागिरहेको छु । 

तवला बादक भएकै कारण विभिन्न देश विदेशका अनुभव पनि बटुल्नु भएको छ । 

  • तवलालाई मैले सबै भन्दा नजिकको मित्र ठान्ने गरेको छु । म हाँस्दा, खेल्दा र रमाउँदाको मेरो साथी नै तवला हो । मैले धेरैलाई तवला बजाउन सिकाएको छु । त्यसमा केहि नेपाली पनि छन् । धेरै विदेशीहरुलाई पनि सिकाएको छु । उनीहरु जब तवला सिकेर आफ्नो देश फर्किन्छन्, उता गएर उनीहरुले प्रस्तुति देखाउँदा रहेछन् । सोहि शिलशिलामा मलाई पनि उनीहरुको प्रस्तुति हेर्नकै लागि बोलाउँछन् । अनि उतै गएर सिकाउनका लागी पनि विभिन्न देशहरुमा जाने गरेको छु ।

अहिले सम्म कति जतिलाई तवला बजाउन सिकाउनु भयो ?

  • मैले धेरै नेपालीहरुलाई पनि तवला बजाउन सिकाएको छु भने धेरै विदेशीहरु पनि हुनुहुन्छ । गायक शिव परियार, गायिका माण्डवी त्रिपाठीलाई पनि मैले तवला सिकाएँ । न्हुच्छे दर्शन भन्ने एक जना भाई छन् । उनी हाल संगीत विद्यालय नै सञ्चालन गरिरहेका छन् । किरन कडेल जसले म्युजिक स्टुडियो नै सञ्चालन गरिरहेका छन्, उनलाई मैले नै सिकाएको हुँ । विदेशीहरुमा बेल्जियम, जापान, चिन लगायतका विभिन्न नागरीकहरुलाई मैल तवला बजाउन सिकाउने अवसर प्राप्त गरेको छु ।

तपाई तवला सिक्दा र अहिले तपाईले तवला सिकाइरहदा के कस्तो परिवर्तन महशुस गर्नु भएको छ ? 

  • यसमा त धेरै परिवर्तहरु आए । हामीले तवला सिक्दा यति अत्याधुनिक तवला नै पाहिदैन थियो । अहिले पैसा भए जति पनि महंगो र राम्रो तवला पाउन सकिन्छ । हामीले तवला सिक्दाको समयमा सोसियल मिडिया अत्यन्तै कम थिए । अवसर पाउन धेरै गाह्रो हन्थ्यो ।  अहिले अवसर पाउन पहिला जस्तो गारो हुँदैन । क्षमता भए अवसर जति पनि पाइन्छ ।

अहिलेको परिवेशमा तवला बजाएर जीवन निर्वाह गर्न कत्तिको सहज छ ?

  • आफूसँग क्षमता छ भने अहिले अवसर पाउन धेरै सजिलो छ । कुनै पनि कार्य राम्रो सँग निर्वाह गर्न पहिला राम्रो अभ्यासको आवश्यकता हुन्छ । संगीत त्यस्तो चीज हो जुन जति धेरै प्राक्टिस गरिन्छ, त्यति नै निखारिदै जान्छ । त्यसैले आफु सँग राम्रो क्षमता छ भने हालको अवस्थामा तवला बजाएरै मज्जाले जीवन निर्वाह गर्न सकिन्छ  ।

अन्तिममा तपाईलाई हेर्ने सुन्ने दर्शकलाई के भन्नुहुन्छ ?

  • हामी कलाकार सधैं तपाईहरुकै मायाको भोका हुन्छांै । जसरी नेपाली शास्त्रीय संगीतलाई माया दिनुभएको छ, त्यो अझ बढ्दै जाओस् । सधै नेपाली कलाकारलाई माया गर्नुहोला । 


ताजा समाचार
शुक्रबार चैँ किन हाफ पाईन्ट लगाएर आउँछौ..??

छोटे डनले शुक्रबारको दिनमा स्कुल जाँदा सँधैभरी हाफ पाईन्ट लगाएर 

जान
पुरा पढ्नुहोस

पैशा चोर्दा फस्यो पाँडे

गफगाफ - यस पटकको हास्य टेलिश्रिंखला भद्रगोलमा चे
पुरा पढ्नुहोस

परिक्षामा  किन दुबैजनाले फरक फरक नाम लेखेको...??

रबिन्द्र र देबेन्द्र दुईभाई एउटै कक्षामा पढ्दा रहेछन ।त्यतिकैमा

एकदि
पुरा पढ्नुहोस

यस्को लागि त पर्चा चाहिन्छ नि ल्याउनुभएको छ ??

शर्मा जी एउटा मेडिकलमा साहुजी सँग...

शर्मा जीःसाहुजी मलाई बिष दिनुन्...


पुरा पढ्नुहोस

हिजो भर्खर किन्देको हैन ??फेरि आज चैँ किन  चाहियो नि ??

हरि पर्कमा बसिरहेको थियो त्यतिकैमा हरिको ग्रलफ्रेन्ड सिता आएर..

सिताः(
पुरा पढ्नुहोस